اتْغِلْبِي يا مصر ولا يِهِمِّك
ولا يفرق، ولا يحرَق دَمِّك
والله مسامحِك وباحبِك،
ولا فوز هيزيدك يا جميلة، ولا غُلب العالم هيقِلك
***
اتغِلْبي، وأنا برضه هأغني، ما هه ياما زمان فرَّحتينا
هأرقص لك بلدي في يوم فرحة، وأأقيدلِك نور وأنتِ حزينة
ما غلاوتك عندي بالدنيا، إن كان في الغُمه أو النُصرة
والحب ده ساكن مش نزوة، تتغلبي أرميه من البلكونة
***
اتْغِلْبِي يا مصر إن كان لازم
إن كان الحَظ مِعَدينا
إن وقفِت عارضة في طريقنا
أو شوطه فاتت في إيدينا
اتْغِلْبِي في غلطة صفارة، أو كره تايهة ومكارة
لو كان مش يومك، هنسامحك
ونكمل ... والصبر مالينا
***
خدي بالِك، السر هأقوله، خدي بالِك، خليه متصان
لو أقولك مسموح تتغلبي، أنا نفسي تجيبي ست اجوان
أنا نفسي تبقي المحروسة، وعروسة، وفرحك في سودان
أنا بس كتبت الموال، على أمل إنه في كل الاحوال
تعرفي إن القلب ملان، وإن الحب، يا بلدي يا غالية، بالمجان
(فقط للتاريخ: تمت كتابة هذه الأبيات قبل مباراة مصر والجزائر بيومين)
No comments:
Post a Comment